Bair K Fawaid
Takhmi k phal gol, guda kam or rang red hota hai. Taste k lihaz se khat mitha hota hai. Pewandi k phal 1, 1.5 inch lambay bezwi shakal k hotay hein. Ye zaiqay mein sheeri hotay hein.
Jhar beri ka darakht ziyada tar banjar zameen par ugta hai. Is ka zaiqa khatta hota hai. Ye janglo mein kasrat se ugta hai. Is ko jangli bair bhi kehtay hein.
Bair ki ghizai khoobio k silsilay mein sirf itna keh dena hi kafi hoga k ye apple ka hum palla hota hai. Bair maney tishnigi or aanto k keero ko marnay mein mufeed hota hai. Kacha bair bhi faida mand hota hai kiyounkay wo qabiz hota hai. Aanto k zakhmo k liye be had mufeed hai. Bairi k pattay se ubalay hue pani se Musalman murday ko ghusul diya jata hai. Is ka scientific faida ye hai k murday ka jism narm par jata hai or murday ka jism keeray makoron se mehfooz rehta hai.
Bair ki pattio se sar dhonay se girtay hue baal jam jatay hein. Pisi hui pattio ka neem garam laip zakhmo par bandhnay se peep kharij ho jati hai.
0 comments:
Post a Comment